Íslendingar kunnu skjóta 128 nebbafiskar í ár

Partafelagið Hvalur í Íslandi hevur nú fingið loyvi at skjóta hval í summar, men loyvið er bara galdandi í ár.

Seinast, loyvi var givið, var tað galdandi í fimm ár.

Hvalur hevur loyvi til at skjóta 128 nebbafiskar.

Longu 30. januar søkti Hvalur um loyvi, men fær tað ikki fyrr enn nú.

Finnast at hvalaveiðu

Funnist er hvassliga at hesari framferðini hjá ríkisstjórnini. Nógvar atfinningar eru um loyvið, sum nú er givið. Eisini frá teimum, sum annars eru fyri hvalaveiðu. 

Men serliga tó frá teimum, sum eru ímóti.

Djóraverndarfelagsskapurin Hvalavinir ætlar at mótmæla við Altingshúsið í kvøld.

Hvalavinir heita á fólk um at koma til mótmælini við grýtum og pannum.

Altingið fer í summarfrí í kvøld.