Ríkisstjórnin onga støðu til statskassafígging

Ríkisstjórnin hevur onga støðu, um Føroyar vilja hava statskassafígging, eitt nú lán úr statskassanum.

Men kemur ein ítøkiligur fyrispurningur úr Føroyum um tað, fer stjórnin væntandi at tosa við landsstýrið.

Nicolai Wammen, fíggjarmálaráðharri, hevur svarað Onnu Falkenberg, fólkatingskvinnu, sum spurdi um statskassalán til Føroya.

Læntu 5,6 mia. í nítiárunum

Ráðharrin sigur, at stjórnin fer at tosa við landsstýrið um, hvat pengarnir skulu brúkast til.

Men, sigur hann, eingin fyrispurningur er komin frá landsstýrinum um statslán ella statskassafígging.

Statskassin lænti føroyingum 5,6 milliardir kr. frá 1993 til 1997.