Umboðsmaðurin fekk 94 klagur í fjør

Løgtingsins umboðsmaður fekk 94 klagur í fjør.

Av teimum vóru 81 endaliga avgreiddar, tá árið var liðið.

Talið á klagum í fjør er á leið tað sama sum árið fyri, í 2022.

Flestu klagur, sum umboðsmaðurin fekk í fjør, vóru um  “Umhvørvis-, byggi- og leigumál og friðing” og um “Børn og ung”.

Málsøkið ”Børn og ung“ fevnir um øll mál viðvíkjandi børnum, eisini um málið ítøkiliga snúði seg um til dømis ein fyrisitingarligan spurning.

Løgtingsins umboðsmaður tekur eisini mál upp og viðger tey av egnum ávum. Tað gjørdi umboðsmaðurin fýra ferðir í fjør, og av teimum fýra málunum vórðu trý endaliga avgreidd.

Í fjør gav umboðsmaðurin átalu í 13 málum.