Hava tamarhald á eldinum í danska skattamálaráðnum

Tamarhald er á eldinum í bygninginum, har danska skattamálaráðið heldur til á Christianshavn í Keypmannahavn, og eftirsløkkingararbeiðið er byrjað.

Tað sigur átaksleiðarin hjá tilbúgvingini í høvuðsstaðnum, Tim Ole Simonsen, við danska TV2.

Boðað var frá eldrinum tíðliga fyrrapartin.

- Eldur var í tekjuni, har skattamálaráðið og íbúðir eru, sigur átaksleiðarin.

Fleiri eldsbrunar

Fleiri størri eldsbrunar hava verið í kendum bygningum í Danmark seinastu tíðina, men teir er í fyrstu syftu tilvildarligir, sigur Jens Kastvig, brunaserfrøðingur í felagnum fyri verkfrøðingar, IDA, skrivar Ritzau.

Hann leggur dent á, at tað er altíð vandi fyri, at eldur kann koma í ein bygning.

- Bygningurin Børsen í Keypmannahavn brann í apríl, eldur hevur verið í trimum bygningum hjá Novo Nordisk seinastu tíðina og nú í Skattamálaráðnum.

Umframt sjálvan eldin, hevur bygningurin eisini fingið vatnskaða. Tilbúgvingin kannar nú, hvussu stórir skaðarnir eru, skrivar danska TV2.