211 fingið prógv frá Fróðskaparsetrinum

211 fingu prógv frá Fróðskaparsetri Føroya seinasta lestrarárið.

136 fingu bachelorprógv, 38 masterprógv og fimm ph.d.-prógv, og onnur 32 hava staðið aðrar útbúgvingar so sum diplom og hjánám.

Fróðskaparsetrið sigur, at tað, sum hevur verið serligt í ár, er, at 20 lesandi hava á fyrsta sinni staðið diplomprógv í Føroyskum sum annaðmál, og í gjár fingu fyrstu føroyskt útbúnu løgfrøðingarnir embætisprógv í Lóg. Tey vóru 10 í tali.