Søkja eftir fólki til ullarmóttøku

Búnaðarstovan søkir eftir fólki til ullarmóttøkuna í summar.

Starvsfólkini skulu taka sær av dagligu uppgávunum í sambandi við móttøkuna, at taka ímóti, skilja og pakka ullina.

Hetta eru tímalønt og tíðaravmarkað størv frá miðskeiðis í juli og til nakað inn í september mánað. 

Løn er sambært sáttmála við avvarðandi yrkisfelag.

Hetta er fimta árið, at Búnaðarstovan tekur í móti ull. Í fjør tók hon ímóti 34 tonsum.

Evstamark at søkja starv er 8. juli.