Nordea-bankin ákærdur fyri hvítting í Danmark

Danski Norea-bankin er ákærdur fyri hvítting í Danmark. 

Tað skrivar danska TV2.

Málið snýr seg um flytingar fyri 26 milliardir danskar krónur. Bankin skal ikki hava havt nóg gott eftirlit við russiskum viðskiftafólkum í eini deild í Keypmannahavn.

Tað er "Den danske National enhed for Særlig Kriminalitet" (NSK), sum hevur reist ákæru móti Nordea fyri fleiri umfatandi brot á lógina um hvítting, ssigur NSK í tíðindaskrivi.

Ákæran skal vera tað mest umfatandi málið við tilknýti til lógina um hvítting í bankageiranum í Danmark, sigur NSK.

Bankin var meldaður til løgregluna í 2016, og málið skuldi koma fyri rættin í 2019, men var útsett.

Les meira her.