Arbeiðsgevarafelagið: Hava vánaligastu marknaðaratgongd í heiminum

Vit munnu vera millum tey londini í heiminum, sum hava vánaligastu atgongdina til alheims marknaðirnar.

So avgjørt er Føroya arbeiðsgevarafelag 

Nú Høgni Hoydal, landsstýrismaður, var í Japan, sigur Arbeiðsgevarafelagið, at politiskar vitjanir kunnu ikki standa einsamallar.

Tær mugu fylgjast upp av einum áhaldandi arbeiði at skapa samband við skipanir í teimum londum, sum vit velja at raðfesta.

Og her hugsar Arbeiðsgevarafelagið um Suðurkorea, Kina og Japan og fiskavørur.

Standa uttan fyri handilsfelagsskapir

Føroya arbeiðsgevarafelag sigur, at Føroyar eru eitt av fáu londunum, sum hevur valt at standa uttanfyri allar handilsfelagsskapir, sum flest onnur lond eru í.

Men tað valið gevur samstundis eina serliga ábyrgd fyri at seta nóg mikið av orku av til at betra marknaðaratgongdina, sigur felagið.

Arbeiðsgevarafelagið nevnir eisini tvískattasáttmálar.

- Vit mugu hava fleiri slíkar sáttmálar, sum kunnu gera føroyskar tænastuveitarar kappingførar við kappingarneytar í øðrum londum, sigur um Føroya arbeiðsgevarafelag.