Verri útlit í byggi- og tilfeingisvinnuni

Føroyska konjunkturbarometrið fellur, og tað hevur tað gjørt í eina tíð. 

Tað gevur eina greiða ábending um, at tað ikki gongur eins væl í føroyska búskapinum, og tað hevur gjørt. Men kortini er ikki grund til at stúra, sigur Johnny í Grótinum, formaður í Búskaparráðnum.

Tað eru serliga byggivinnan og tilfeingisvinnan, sum ikki eru so bjartskygd sum tey hava verið. Hinvegin sær handilsvinnan ljósari upp á tað, eins og føroysku húsarhaldini 

Konjunkturbarometrið er nú -5. Tað er væl niðan fyri langtíðarmiðal, sum er 16. Tað er ymiskt, hvønn veg gongdin vendir. Konjunkturbarometrið sigur nakað um, hvussu húsarhald og vinna meta, at tíðirnar eru, og geva ábending um búskapargongdina.

Hagstovan vísir á, at kanningin av konjunkturbarometrinum fyri juni 2024 er lutvíst gjørd, meðan verkfall var á privata arbeiðsmarknaðinum. Úrslitini kunnu tí verða ávirkaði av hesum og skulu lesast við teimum fyrivarnum, sum knýta seg at tí. 

Meira kann lesast um konjunkturbarometrið á heimasíðuni hjá Hagstovuni, www.hagstova.fo

Hoyrið samrøðu við Johnny í Grótinum, formann í Búskaparráðnum, um konjunkturbarometrið: