Biden: Vance er ein klona av Trump

Biden: Vance er ein klona av Trump
Varaforsetavalevnið hjá Donald Trump góðtekur heldur ikki valúrslitið í 2020, siga tey í starvsfólkaleguni hjá Joe Biden
Joe Biden, forseti, sigur, at hann sær ongan mun á Trump og varaforsetavalevninum Vance.
Mynd: Reuters/Ritzau Scanpix  
 
16.07.2024 - 10:22

Í gjárkvøldið kunngjørdi Donald Trump, at hann vil hava James David Vance sum varaforsetavalevni á valinum í heyst.

Núverandi forsetin Joe Biden sigur, at Vance er ein klona av Trump, tá ið tað snýr seg um politiskar spurningar, skrivar Reuters.

- Eg síggi ongan mun á teimum, sigur Joe Biden.

Fyrr um kvøldið umrøddi starvsfólkahópurin í sambandi við valstríðið hjá Biden Vance sum ein víðgongdan MAGA-ekstremist. 

MAGA er stytting fyri rakstrarrópið hjá Trump: Make America Great Again.

- Vance góðtekur ikki 2020-valið, siga tey í starvsfólkahópinum hjá Biden. 

Tey siga eisini, at Vance stuðlar forboði fyri fosturtøku, og at hann atkvøddi ímóti betri atgongd til ísáðing.

- Vance hevur tosað nógv um arbeiðsfólk. Men nú vilja hann og Trump hækka skattin hjá húskjum í miðalstættini, og arbeiða fyri skattalætta til tey ríku, siga tey í Biden-leguni. 

Er kopiera
Nýggjastu sendingar í ÚV
Leygardag 26. apríl
Jambalaja - 260425
191096
Leygardag 26. apríl
Her er flaggdagsrøðan hjá Ben Arabo
191094
Leygardag 26. apríl
Upp á tá - 250425
191091
Nýggjastu sendingar í SV
Fríggjadag 25. apríl
KAKUMiKS (4:7)
191050
Hósdag 24. apríl
Útilív 6:6
191066
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949