Danska fótbóltslandsliðið skal hava nýggjan venjara

Kasper Hjulmand gevst sum venjari hjá danska landsliðnum í fótbólti. 

Hann hevur sjálvur biðið um at vera loystur úr starvinum, skrivar danska fótbóltssambandið DBU.

Eftir EM í Týsklandi hava Kasper Hjulmand og stjórin í DBU Peter Møller eftirmett endaspælið og kvalifikatiónina til kappingina og hava tosað um framtíðina. 

Í sambandi við eftirmetingina, hevur Hjulmand avgjørt at gevast í starvinum, fyri at tryggja landsliðnum nýggja orku.

Morten Wieghorst tekur fyribils við sum venjari fram til ársskiftið, skrivar DBU.