![](https://kvf.fo/sites/default/files/styles/myndasavn-width/public/screenshot_2024-07-26_091145.jpg?itok=z8B7gqRw)
- Tíðindi, mentan og ítróttur
Bíligari at ferðast við Smyrli gjøgnum bíleggingarskipanina
![](https://kvf.fo/sites/default/files/styles/grein-ovasta-mynd/public/forsida-bokingarskipan.jpg?itok=BQGBTk3O)
Nýggja bíleggingarskipanin hjá Strandfaraskipum landsins, sum nú er innførd á flest øllum oyggjaleiðunum, hevur við sær rættiliga stóran mun á ferðaseðlaprísinum. Og tað gevur fyrimunir at stovna sær ein brúkara á nýggju bíleggingarskipanini.
Sum eitt dømi, so kann nevnast, at hevur tú ein brúkara í bíleggingarskipanini og bíleggur tær bilpláss á Suðuroyarleiðini, so kostar einvegis ferðaseðilin 96 krónur.
Hevur tú ongan brúkara í skipanini hjá SSL, so er prísurin 112,50 krónur.
Um tú bara tekur kjansin og koyrir umborð við bilinum, so er prísurin fyri sama einvegis ferðaseðil 129,50 krónur.
"Hetta er ein neyðug broyting," sigur Regin Toftegaard, verkætlanarleiðari fyri bíleggingarskipanini.
Bílleggingarskipanin er galdandi á hesum oyggjaleiðum,
7 - Tvøroyri - Tórshavn
36 - Sørvágur - Mykines
56 - Klaksvík - Kalsoy
66 - Sandur - Skúvoy