Russland hevði fleiri hernaðarlig mál í Noregi

Russland hevði fleiri hernaðarlig mál í Noregi
Í kjalarvørrinum av russisku hertøkuni av Krim-hálvoynni í 2014 fyrireikaði Russland seg til kríggj - eisini kjarnorkukríggj - við NATO eins væl og við Iran og Kina
Vladimir Putin og Russland fyrireikaðu seg til kríggj við vesturheimin í kjalarvørrinum av hertøkuni av Krim í 2014
 
13.08.2024 - 19:19

Russland fyrireikaði seg til at leypa á mál ymsastaðni í Evropa í eini møguligari krígsstøðu í kjalarvørrinum av, at Russland í 2014 hertók Krim-hálvoynna. 

Skjøl, sum Financial Times hevur fingið innlit í, vísa, at árini frá 2009 til 2014, beint upp undir russisku innrásina á Krim, fyrireikaði Russland seg til møguligt kríggj við ikki bara vesturheimin, men eisini við eitt nú Iran, Kina og Norðurkorea, sum annars verða mett sum sameind hjá Russlandi.

Skjølini vísa millum annað fleiri møgulig mál hjá russiska herinum. Eftir hvat Financial Times skrivar, verða Føroyar ikki nevndar sum eitt møguligt mál. Tað verða Ísland og Danmark heldur ikki, men sjey ymisk mál í Noregi verða nevnd, teirra millum Håkonsvern í Bergen, sum er størsta norska herflotastøðin. Onnur mál eru í eitt nú Bretlandi, Fraklandi og Týsklandi. Tilsamans 32 NATO-mál verða nevnd í skjølunum.

Skjølini vísa eisini, at russiski herurin hevur kannað og fyrireikað møguleikarnar fyri at leypa á við kjarnorkuvápnum.

William Alberque, fyrrverandi NATO-embætismaður, sigur við Financial Times, at Russland roynir at brúka óttan fyri kjarnorkuvápnum til at fáa vesturheimin at slaka.

Fabian Hoffmann, kjarnorkuvápnagranskari við lærda háskúlan í Oslo, sigur við norska TV2, at tað ikki kemur óvart á, at fleiri norsk mál verða nevnd í einum møguligum kríggi millum Russland og NATO.

"Hetta gevur ábendingar um, at í einum kríggi við Russland er tað frá fyrsta degi møguleiki fyri, at Noreg og onnur vestur- og norðurevropeisk lond kunnu verða álopin. Við at raka norsk mál vil Russland senda ein boðskap um, at landið er ført fyri at skapa stóra líðing fyri norska fólkið," sigur Fabian Hoffmann við norska TV2.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592