![](https://kvf.fo/sites/default/files/styles/myndasavn-width/public/marjun_kjalnes_vindeyga-7.jpg?itok=ogX1E53g)
- Tíðindi, mentan og ítróttur
Marjun Syderbø Kjelnæs: Trupult at finna dirvið at trína fram
![](https://kvf.fo/sites/default/files/styles/grein-ovasta-mynd/public/marjun_kjalnes_vindeyga-14.jpg?itok=eMZSGmBt)
Í Vindagnum í dag er Marjun Syderbø Kjelnæs, rithøvundur.
Hon hugleiðir um at hyggja at heiminum, sum hann er, tora at seta torførar spurningar og at standa við sínar hugsanir. Men eisini um at tora at trína fram.
Fyrstu stuttsøguna til útgávu skrivaði Marjun Syderbø Kjelnæs í ár 2000, tá hon var 26 ára gomul.
Frammanundan hevði hon skrivað okkurt, sum líktist yrkingum og prosapettum á lepar og kaffifiltur og kanska í onkra ljósareyða dagbók.
Spurningurin var, um tað kundi gerast meira enn tað? Kundi hon røkka onnur og kanska finna sína egnu rødd?
Mynd: Bárður Lydersen
Av ymsum orsøkum var trupult at finna dirvið at trína fram.
"Tað var ikki so líka til hjá mær, hetta við skrivingini. Fyri tað fyrsta, so vóð eg upp undir miðju við søgum, ið vóru skrivaðar um menn av monnum. Og fyri tað næsta, so var tað uppi í tíðini at tosa kvinnurnar, ið skrivaðu, niður. At niðra og speireka var góðkent."
Tá var tað, at ein onnur rødd, ein ung rødd, ið ikki ræddist framtíðina, fór at ljóma í Føroyum.
"Eivør var 17 ár tá. Hon var miðvís, djørv og hevði ætlanir."
Marjun goymdi greinina um Eivør, og kanska var tað hon, sum gjørdi, at Marjun í síðstu løtu læt stuttsøgu sína inn til kappingina, og so var hol komið á.
>>Hoyr Marjun Syderbø Kjelnæs lata sítt vindagið upp her
Tónleikur, sum Marjun Syderbø Kjelnæs hevur valt til sendingina:
Annika Hoydal - Tú minsta land
Lena – Good To Be Kind
Eivør, DR Big Band og DR Vokal Ensemble - Vøgguvísa, ein kópakona syngur
Eivør - Jarðartrá