Kunnu helst kannast longu næsta ár

Tilboð skal eisini vera um arvafrøðiliga ráðgeving til komandi foreldur, sum eru í vanda fyri at fáa barn við deyðiligari ílegusjúku.

Ein bólkur við umboðum fyri Heilsustýrið, Sjúkrahúsverkið og Heilsumálaráðið fer 1. desember at lata landsstýriskvinnuni tilmæli um, hvussu hetta kann skipast.

Í breddanum fyrrapartin frættu vit, at 89 prosent av føroyingum í burðardyggum aldri halda, at tilboð um berarakanning fyri tær fimm arvasjúkurnar, Sucla2, AGS, AROKS, JEB, TBCD, eiga at vera í Føroyum. Tað vísir ein kanning av, hvat føroyingar  halda um berarakanningar av ílegusjúkum. Áhugafelagið Arvasjúkan bað um kanningina, sum varð send føroyingum fyrr í ár og kanningin kann síggjast áheimasíðuni Arvasjukan.fo.

Í Etiska Ráðnum halda tey ikki, talan er um einfaldan spurning. Ráðið viðgerð í løtuni spurningin, um vit sum samfelag skulu bjóða fólki at verða kannaði fyri ílegusjúkurnar. 

Nógvir føroyingar eru berarar av teimum fimm ílegusjúkunum. Hetta merkir, at umleið eitt til tvey børn verða fødd um árið í Føroyum við einari av hesum sjúkunum.