Politiskur flokkur misti pengar, tí roknskapur var ikki komin

Løgmansskrivstovan gavst at lata einum politiskum flokki pengar til politiskt virksemi og politiska upplýsing í fjør.

Orsøkin var, at roknskapurin fyri 2022 var ikki komin í juni.

Roknskapurin kom í juli, og so fekk flokkurin pengar aftur, sigur Landsgrannskoðarin í ársfrágreiðingini fyri 2023.

Skal vera tøkur 1. apríl

Í fjør kom ein annar roknskapur frá flokki ikki rættstundis. Hann kom í mai.

Grannskoðaður roknskapur skal vera tøkur í seinasta lagi 1. apríl. 

Samanumtikið vísti grannskoðanin, at einki verður goldið, um krøvini í lógini ikki eru fylgd, og at mannagongdirnar liggja í fastari legu.

Játtanin til politiska virksemið hevur verið 4,8 mió.kr. síðani 2016.