Upplesarar, tónaskøld og fotografar skulu eisini fáa bókasavnsgjald

Upplesarar - tey, sum lesa ljóðbøkur - koma nú aftrat teimum, sum fáa bókasavnsgjald.

Uppskot er gjørt um broyting í bókasavnslógini.

Lógarbroytingin skal eisini geva heimild til at lata tónaskøldum og fotografum bóksavnsgjald.

Tað fingu tey tó eftir reglugerðini um bókasavnsgjald, sum var galdandi til 31. desember í fjør.

Kunngerðin um, hvussu bókasavnsgjaldið skal býtast, verður eisini broytt.   

Ljóðbókatænastan

Upplesarar skulu nú eisini fáa bókasavnsgjald (Savnsmynd)

17 síður

Í uppskotinum um dagførda kunngerð verður skotið upp, at ásetingin um, at verk í minsta lagi skulu hava 32 síður, verður broytt til 17 síður, so sum hon var fyrr.

17 síður eru markið fyri, nær eitt bókaverk kemur í Føroyska bókalistan. 

1,8 mió. kr. eru játtaðar til bókasavnsgjald.

250.000 kr. komu aftrat í ár.

349 høvundar og 33 makar fingu bókasavnsgjald fyri 2023.