Mikkjal Thomassen eisini besti venjarin í september

Mikkjal Thomassen er aftur kosin besti venjari í Svøríki, hesa ferð í september.

Hann var eisini besti venjarin í august.

Tað er svenk Elitfotboll í samstarvi við Unibet, sum velja, hvør vinnur.

AIK liggur í løtuni á fjórða plássi við 45 stigum. Tvey stig aftan fyri Hammarby og Djurgården, sum eru jøvn á øðrum og triðja plássi.

Malmö FF liggur nummar eitt í Allsvenskan við 57 stigum.

Tað hevur gingið væl hjá Mikkjali Thomassen, síðani hann tók við sum høvuðsvenjari í AIK í juli.

Hann hevur vunnið níggju dystir, spælt ein javnleik og tapt tríggjar.

Í august vann AIK allar dystirnar.