NATO framleiðir ikki nóg nógv vápn

NATO framleiðir ikki nóg nógv vápn og lóður, og tað kann gerast ein trupulleiki í framtíðini.

Hetta er nakað, sum teir 32 verjumálaráðharrarnir í NATO-londunum skulu umrøða, nú teir koma saman í Brússel í dag.

NATO-aðalskrivarin Mark Rutte segði upp undir fundin, at NATO ikki framleiðir nóg nógv vápn, og at framleiðslan er ov dýr.

Mark Rutte og Lloyd Austin

Mark Rutte, NATO-aðalskrivari, og amerikanski verjumálaráðharrin, Lloyd Austin, á fundi í Brússel í dag. (Mynd: Reuters/Riotzau Scanpix)

NATO-londini royna at halda seg til avtaluna um at brúka tvey prosent av bruttotjóðarúrtøkuni til verjuna, men tað er verri enn so øll hendan nýtslan, sum sæst beinleiðis aftur í vápnamegi.

Og vápnini eru dýr at gera og dýr at brúka.

Sambært DR kostar tað 27 milliónir krónur at senda eina Patriot-rakett avstað í Ukraina.

Onnur lond brúka dronur, sum eru nógv bíligari at leypa á við, og við tíðini fer tað ikki at hanga saman fíggjarliga at brúka dýrar rakettir til at skjóta bíligar dronur niður við, siga verjuserfrøðingar, sum danska kringvarpið hevur tosað við.