Her eru skjølini í Ingilín D. Strøm-málinum, sum KVF hevur fingið innlit í

Tað er landsstýrismálanevndin, sum skal prógva, at landsstýriskvinnan hevur sagt ósatt og ikki øvut. Tað stendur í 36 síður drúgva ummælisskrivinum hjá Ingilín D. Strøm

Netvarp

18.10.2024 - 07:00

Ingilín D. Strøm, landsstýriskvinna, heldur ikki, at landsstýrismálanevndin hevur prógvað út um allan rímiligan iva, at hon tilvitað hevur sagt ósatt.

Og rættartrygdin hjá landsstýriskvinnuni verður sett til viks.

Tað stendur at lesa í svarinum - ella ummælisskrivinum - sum Ingilín D. Strøm hevur sent landsstýrismálanevdini.

>>Les eisini: Ingilín D. Strøm: Slepp málinum ella set kanningarstjóra

Landsstýrismálanevndin hevur tí, sambært landsstýriskvinnuni sjálvari, tvey í at velja:

1) at sleppa málinum, tí tað ikki er prógvað, at hon tilvitað ella av grovum ósketni hevur borið løgtinginum skeivar upplýsingar.

2) ella at seta ein kanningarstjóra.

Her eru skjølini í málinum, ið Kringvarpið hevur fingið innlit í:

Bræv frá Ingilín D. Strøm, landsstýriskvinnu, til landsstýrismálanevndina

Ummælisskrivið frá Ingilín D. Strøm, landsstýriskvinnu

Upprit - Annfinn V. Hansen, sakførari, um fyribilsniðurstøðuna hjá landsstýrismálanevndini

Landsstýrismálanevndin

Landsstýrismálanevndin hevur rættarligt eftirlit við, at løgmaður og landsstýrismenn halda lóggávuna. Hon røkir starv sítt sbrt. § 38 í Stýrisskipanarlógini. Nevndin hevur heimild at boðsenda løgmanni ella landsstýrismanni at koma á fund at greiða frá ávísum máli. Málini eru loynilig í tann mun, viðurskifti hjá einstaklingum gera tað neyðugt. Í landstýrismálanevndina sita í løtuni Hans Jacob Thomsen fyri javnaðarflokkin, Bárður á Steig Nielsen fyri sambandsflokkin og Hanna Jensen fyri Framsókn.