Mentanarvirðislønir landsins handaðar í Varpinum í kvøld

Nýggja og stásiliga mentanarhúsið Varpið í Klaksvík verður í kvøld karmur um handanina av mentanarvirðislønum landsins. 

Tað er Sirið Stenberg, landsstýriskvinna í mentamálum, sum fer at handan virðislønirnar til lesta- og mentafólk. 

Tríggjar virðislønir verða handaðar:

Mentanarvirðisløn landsins, sum er 150.000 kr. Hon verður latin fyri at heiðra føroyskt mentafólk sum tøkk fyri útint listarligt avrik.

Heiðursgáva landsins, sum er 75.000 kr. Hon verður latin teimum, ið hava virkað til frama fyri mentanarlig virði, sum hava týdning fyri føroyska mentan, list og mentanararv.

Serstøk virðisløn, sum er 50.000 kr. Hon verður latin listafólki, mentafólki ella felagsskapi eftir landsstýrisfólksins egnu avgerð.

Tiltakið er alment og ókeypis, og øll eru hjartaliga vælkomin.

Kringvarp Føroya sendir beinleiðis frá tiltakinum í sjónvarpinum og her á heimasíðuni. 

Hvat: Mentanarvirðislønir landsins
Hvar: Í Varpinum, Klaksvík, og í sjónvarpinum og á KVF.fo
Nær: Í kvøld, mikukvøldið 23. okt., klokkan 19.00