- Tíðindi, mentan og ítróttur
Telja atkvøður umaftur í Georgia
Telja atkvøður umaftur í Georgia
Talt verður umaftur í 14 prosentum av valstøðunum. Í løtuni er russiskvinarligi flokkurin "Georgiski dreymurin" á odda
Salome Zourabichvili, forseti í Georgia, á val. Hon hevur boðað frá, at hon viðurkennir ikki valúrslitið.
Mynd: Reuters/Ritzau Scanpix
29.10.2024 - 15:10
Valmyndugleikararnir í Georgia skulu telja atkvøðurnar umaftur, har ivi er sáddur, um uppteljingin fór fram á rættan hátt.
Talt verður upp umaftur í 14 prosentum av valstøðunum, siga valmyndugleikarnir.
Í hvørjum valdømi skulu atkvøður frá fimm tilvildarliga valdum valhølum teljast umaftur.
Eftir at nærum allar atkvøðurnar eru taldar, er russiskvinarligi flokkurin "Georgiski dreymurin" á odda við 53,9 prosentum av atkvøðunum.
Andstøðan hevur 37,7 prosent.
ES-vinarliga andstøðan hevur funnist hvassliga at valúrslitinum, sum hon sigur skeivt, tí svikað var á valinum.
Fleiri túsund fólk mótmæltu í høvuðsstaðnum Tblisi í gjár.
Valeygleiðarar hava avdúkað óreglusemi í fleiri førum í sambandi við atkvøðugreiðsluna.
Er kopiera
Nýggjastu sendingar í ÚV
Nýggjastu sendingar í SV
