Sirið Stenberg er nýggj forkvinna í Tjóðveldi

Á eykaflokstingi seinnapartin hava tey í Tjóðveldi valt Sirið Stenberg, sum nýggja forkvinnu í flokkinum.

Valið stóð millum Sirið Stenberg og Bjørt Samuelsen, eftir at Høgni Hoydal legði frá sær sum formaður fyri góðari viku síðani.

Sirið Stenberg fekk 27 atkvøður og Bjørt Samuelsen 21.

Løtan, tá tað gjørdist greitt, at Sirið Stenberg er nýggj forkvinna í Tjóðveldi.

sirid_stenberg_10.jpg

Mynd: Hansa Hansen

Sirið Stenberg er 56 ára gomul og kemur úr Vági.

Sirið Stenberg er í løtuni landsstýriskvinna í almanna- og mentamálum.