Júst sama tal í ár sum í fjør

121 nýggj akfør vóru skrásett í oktober, júst sama tal sum í oktober í fjør, skrivar Akstovan.

Serliga vøruvognarnir gera munin.

Teir eru 30 í ár.

Teir vóru 18 í oktober í fjør.

Men higartil í ár eru akførini nógv færri enn til 1. november í fjør.

Tey eru 416 færri, 23,8 prosent.

Persónbilarnir eru 361 færri.

Innflutt brúkt akfør eru færri í ár enn í fjør.

Tey vóru 25 í oktober og 41 í oktober í fjør.

Til 1. november eru tey góð 40 prosent færri enn í fjør.