Danski forsætisráðharrin ynskt Trump til lukku

Danski forsætisráðharrin, Mette Fredriksen, hevur ynskt Donald Trump til lukku við forsetavalinum í USA. 

Hon skrivar millum annað soleiðis:

"Til lukku, Donald Trump. USA er okkara týdningarmesti samstarvsfelagi. Vit skulu halda fast við tætta samstarvið millum USA og Danmark, og halda á at styrkja bondini tvørtur um Atlantshavið, sum hava verið í fleiri ættarlið."

Fleiri partabrøv keypt og seld

Og meðan tey framvegis telja atkvøður í USA, so ávirkar fyribils úrslitið av valinum partabrævamarknaðirnar og fíggjarmarknaðirnar kring heimin.

Marknaðirnir síggja fyri sær, at Trump verður næsti amerikanski forsetin.    

Fleiri partabrøv verða keypt og seld, renturnar hækka, og dollarin er vorðin sterkari.