Giljagarður fingið boð frá landslæknanum

Eldrasambýlið Giljagarður í Leirvík er komið á listan hjá landslæknanum við boðum.

Boðini eru komin eftir eina fráboðaða vitjan 21. august.

Boðini eru um heilivág, journalir, sjúkrarøktarligar metingar, samtykki, sum byggir á kunning, og leiðbeining um at velja frá lívsleingjandi viðgerð.

Lars Fodgaard Møller, smittusporing, korona

Lars Fodgaard Møller, landslækni. (Mynd: Bjarni Árting Rubeksen)

Samanumtikið eru stórir trupulleikar við trygdini hjá teimum, sum eru í Giljagarði.

Ella, sum landslæknin sigur á donskum: samlet set udgør større problemer af betydning for patientsikkerheden.

Giljagarður sigur í hoyringarsvari, at nógv er gjørt eftir eftirlitið, sum var 21. august.

Hoyringarsvarið gjørdi tó ikki, at landslæknin gjørdi stórar broytingar í upprunaligu boðunum til Giljagarð.

Sambært fráboðanini hjá landslæknanum búgva tíggju fólk í Giljagarði.