Atkvøða í dag um størri játtan til Fámjinsbergholið

Tingið fer í dag at atkvøða um eykajáttanarlógina fyri september og um at lata fleiri pengar til Fámjinsbergholið.

Fíggjarnevndin hjá løgtinginum er samd um at taka undir við uppskotinum hjá Dennisi Holm, landsstýrismanni, um at lata 33 mió. kr. meira til Fámjinsbergholið.

Eykajáttanin verður 8,1 millión krónur minni enn í uppskotinum hjá Fíggjarmálaráðnum.

Fíggjarnevndin hjá løgtinginum broytti uppskotið til 75,4 milliónir krónur.

Tað var 83,5 milliónir.

Tingfundurin í dag er kl.11.00.