Meiriluti í uttanlandsnevndini tók undir við at samráðast við Russland

Bjarni Hammer, formaður í uttanlandsnevndini, sum umboðar Javnaðarflokkin í nevndini, er partur av meirilutanum

Bjarni Hammer formaður í uttanlandsnevndini. Hann var við í meirilutanum í nevndini, sum mælti landsstýrinum til at samráðast um nýggja fiskiveiðiavtalu við Russland.

Mynd: Bjarni Árting Rubeksen

Frants Jensen

25.11.2024 - 13:10

Ein meiriluti í uttanlandsnevndini hevur tikið undir við, at Føroyar skulu samráðast við Russland um fiskiveiðiavtalu fyri 2025.

Samráðingarnar eru talgildar, og tær byrjaðu longu í morgun.

Bjarni Hammer, formaður í uttanlandsnevndini, sum umboðar Javnaðarflokkin í nevndini, sigur, at hann var við meirilutanum, sum mælti landsstýrinum til at samráðast um nýggjan russlandssáttmála.

Aksel V. Johannesen, formaður í Javnaðarflokkinum, hevur annars sagt fleiri ferðir, at flokkurin stendur saman í spurninginum um, at Føroyar skulu ikki gera fiskiveiðiavtalu við Russland.

Føroyingar hava serliga fingið tosk og rækjur í undanfarnu fiskiveiðiavtalum við Russland, men eisini nakað av hýsu og flatfiski.

Afturfyri hava russarar fingið svartkjaft, makrel og sild.

Hoyr innslag í útvarpstíðindunum:

25112024_Russlandssattmali