Afturrindan ávirkar ikki virksemið hjá Heilsutrygd

Tað fer ikki at ávirka virksemið hjá Heilsutrygd, at stovnurin skal rinda meir enn 20 milliónir krónur aftur í heilsutrygdargjaldi.

Tað sigur Egil á Bø, stjóri í Heilsutrygd.

Í fíggjarlógaruppskotinum fyri 2025 verður roknað við, at 191 milliónir kr. koma inn í heilsutrygdargjaldi næsta ár.

Og tað verður av hesi kontuni, at afturrindanin av heilsutrygdargjøldum skal takast, um lógaruppskotið um at geva Heilsutrygd heimild at afturrinda heilsutrygdargjald verður samtykt.

Hoyr innslag í útvarpstíðindunum: 

Í innslagnum omanfyri verður sagt, at umrødda kontan verður sett úr 191 milliónum kr. niður í 179 millónir. Rætta talið er 169 milliónir.

Haldið okkum til góðar.