Almannaverkið skal hava nýggj høli í Havn

Almannaverkið í Havn skal hava nýggj høli í Havn.

Verandi leigumál fer úr gildi næsta ár.

Leitað verður eftir hølum til skrivstovuhald, fundarhøli, móttøku, kantinu, goymslu og verkstað.

Talan er ikki um at økja fermetratalið hjá Almannaverkinum, men heldur at royna at savna virksemið hjá Almannaverkinum í Havn.

8.000 fermetrar

Freistin at senda Landsverki tilboð er til 10. januar. 

Høvuðssætið hjá Almannaverkinum er í dag í ymiskum leigumálum á Hálsi.

Almannaverkið hevur brúk fyri at savna virksemið og vil tí gera avtalu um nýtt leigumál í 2025. 

Tað skal vera 8.000 fermetrar til 200 starvsfólk.

Hølini skulu vera lætt atkomulig og í miðstaðarøkinum í Havn.