Eingin kanningarstjóri settur enn

Hóast skjótt tveir mánaðir eru siðani, at løgtingsforkvinnan bleiv biðin um at seta kanningarstjóra at kanna Ingilín D. Strøm, fyrrverandi landsstýriskvinnu, og tað, sum hon segði í løgtinginum um haldførið hjá Bústøðum, er eingin kanningarstjóri settur enn.

Tí fyrst skal landsstýrismálanevndin gera ein arbeiðssetning til kanningarstjóran.

Og hann er ikki gjørdur enn.

Ikki er vist heldur, at hann verður gjørdur í ár, sigur Hans Jacob Thomsen, formaður í landsstýrismálanevndini.

Kristina Samuelsen

Kristina Samuelsen,. advokatur.

Kristina kannar Dennis

Nevndin hevur biðið Kristinu Samuelsen, advoktat, kanna, um Dennis Holm, landsstýrismaður í fiskivinnumálum, bar seg rætt at, tá hann læt 35.000 tons av svartkjafti sum felagskvotu.

Hon skal gera arbeiðið, sum løgfrøðiliga fyrisitingin hjá løgtinginum annars skuldi gera.

Tað er í samráði við løgtingsstjóran, at Kristina Samulsen er biðin, sigur Hans Jacob Thomsen. 

Miðað verður eftir, at hetta arbeiðið er liðugt fyri jól.

Árni Skaale, løgtingsmaður og fyrrverandi landsstýrismaður í fiskivinnumálum, kærdi Dennis Holm.

Tað var 5. mai.