Stuðulsupphæddir hækka

Djóni Nolsøe Joensen, landsstýrismaður í barna- og útbúgvingarmálum, hevur í kunngerð lýst hækkingar í upphæddum í sambandi við lestrarstuðul og samsýning til fosturforeldur. Allar upphæddir hækka við 3,6 prosent frá 1. januar 2025.

Fyri lestrarstuðulin merkir hetta til dømis, at tey, sum lesa hægri lestur, nú fáa 5.139 krónur um mánaðin í mun til 4.960 krónur, sum tey fingu frammanundan.

Og samsýningin til fosturforeldur, sum hevur verið 128,77 krónur um samdøgrið, hækkar upp í 133,40 krónur.