Elbilar nærkast helvtini av søluni

45 prosent av nýggju akførunum, ið eru seld í Føroyum seinastu 11 mánaðirnar, eru elbilar.

Talið av seldum elbilum er vaksið. 658 nýggir el-bilar eru seldir seinast 11 mánaðirnar. Tað vísa hagtøl hjá Akstovuni.

Men taka vit samlaða talið av nýggjum seldum akførum seinastu 11 mánaðirnar, er talið lækkað munandi í ár. Tilsamans eru 1452 nýggj akfør seld. Tað er 433 færri samanborið við fyrstu 11 mánaðirnar í fjør.

 Á nýggjárinum fáa fólk ikki eins nógv afturborið av meirvirðisgjaldinum, um tey keypa sær elbil og samstundis verða virðisgjøldini á el-bilunum hækkað. Tað verður gjørt yvir nøkur ár.

Gularótini hjá fólki at sleppa bíligari, um tey leggja um til ein sokallaðan 'grønan bil', dettur sostatt burtur um nøkur ár.  

Wenzel hevur lagt merki til, at kundarnir hava eftirspurt el-bilum.

Kringvarpið hevur eisini tosað við aðrar bilsølur, sum tó ikki vilja gera bandaða samrøðu, men tær siga, at tær hava merkt ein størri eftirspurning eftir elbilum í desember, tí fólk vita, at elbilurin kanska verður eitt sindur dýrari eftir nýggjár.