Spreinging í maskinrúminum á Glyvursnesi: Tríggir mans fluttir á sjúkrahús

Um 21 tíðina í kvøld var ein spreinging í maskinrúminum á farmaskipinum Glyvursnes hjá Smyril Line. 

Hetta boðar Smyril Line frá í tíðindaskrivi í kvøld. 

Skipið lá við bryggju í Hirtshals, tá spreingingin hendi. 

Manningin fór beinanvegin undir at sløkkja eldin.

Tríggir mans vóru í maskinrúminum, tá spreinginin hendi.

Teir eru fluttir á sjúkrahús, og avvarðandi hava fingið boð. 

Jens Meinhard Rasmussen, stjóri, hevur ikki fleiri viðmerkingar beint nú, men sigur í stuttari viðmerking, at nærri kunning kemur seinni.