Kvinnur áttu størra partin av lønarvøkstrinum

Kvinnur eiga størri part av lønarvøkstrinum í Føroyum í fjør enn menn.

Av teimum 600 milliónunum, sum vóru goldnar aftrat í lønum í fjør, áttu kvinnurnar meira enn 60 prosent, ella 370 milliónir.

1. januar í 2024 fingu fleiri starvsbólkar lønarlyft. Í hesum bólkum starvast nógvar kvinnur, m.a. limir í Pedagogfelagnum, Heilsuhjálparafelagnum og Heilsurøktarafelagnum.

Maria Heen, hagfrøðingur á Hagstovuni, sigur, at tað kann vera, at lønarlyftið hjá ávísum starvsbólkum sæst aftur í lønarvøkstrinum.

Men áðrenn tað er kannað, ber tó ikki til at siga við vissu, hvaðani lønarvøksturin hjá kvinnum stavar.

Hoyr innslag í útvarpstíðindunum: