Vápnahvíld komin í lag millum Ísrael og Hamas

Samráðingarnar eru nú komnar á mál um eina vápnahvíld í Gasa, sum kemur í gildi sunnudagin 19. januar.

Tað sigur forsætisráðharrin í Katar á tíðindafundi.

Partarnir eru eisini samdir um, at fleiri gíslar, sum Hamas hevur tikið, skulu latast leysir. Harumframt sigur hann, at enn verður arbeitt við smálutum í avtaluni.

Katar, hevur saman við Egyptalandi og USA, verið meklari í krígnum millum Ísrael og Hamas.

Ísrael hevur tó ikki váttað avtaluna enn, skrivar DR.