Nú 40 ár eru liðin síðani Trøllanestunnilin varð skotin ígjøgnum, hoyra vit brot úr útvarpsfrásøgn, ið varð gjørd tá, og vit hoyra eisini brot úr samrøðu, ið varð gjørd við Gertrud Joensen, sum sigur frá einari sera dramatiskari hending, tá farast skuldi í land í Mikladali í 1966.

Vit tosa eisini við Eyðun Eliassen, ið býr á Trøllanesi, og nomið verður eitt nú við týdningin av tunlunum og komandi Kalsoyarferjuni, ferðavinnuna og Kópakonuna.

Fleiri og fleiri ferðast um Kalsoyarfjørð

Í 1974 eru 6.434 ferðafólk við á farleiðini hjá Barsskor, og árið eftir er talið av ferðafólki 7.174. Og mánaðirnir við flest ferðafólkum eru juli og august. 

Í 2014, ið er árið tá Kópakonan verður avdúkað, er samlaða talið av ferðafólkum á kalsoyarfarleiðini, 38.335, og í 2023 er talið 79.390.