Løgmaður: Tilgongdin at broyta ríkisfelagsskapin byrjaði í 2011

Formenninir í Fólkaflokkinum og í Javnaðarflokkinum eru samdir um, at tað rekur saman millum flestu flokkar í málinum um ríkisrættarligu støðu Føroya.

Tað kom fram á fundinum í Smæruni í gjárkvøldið.

Aksel V. Johannesen, løgmaður og formaður í Javnaðarflokkinum, sigur, at gongdin at broyta ríkisfelagsskapin byrjaði longu í samgonguni, sum sat faá 2011, tá Kaj Leo Holm Johannesen var løgmaður. Og viðurskiftini hava flutt seg spakuliga síðani, meðan aðrar samgongu hava sitið við valdið.

Beinir Johannesen, formaður í Fólkaflokkinum, sigur, at hjá sær hevur tað ikki so stóran týdning, hvat felagsskapurin eitur. 

- Hinvegin snýr tað seg um, at Føroyar gerast sjálvstøðugar og fáa limaskap í teimum altjóða felagsskapum, vit vilja vera limir í, á jøvnum føti við Danmark og onnur sjálvstøðug lond, sigur hann.

Hoyr innslag her: