- Tíðindi, mentan og ítróttur
Bakkafrost: Kópur er til ampa fyri bæði alivinnu og fiskivinnu
Bakkafrost: Kópur er til ampa fyri bæði alivinnu og fiskivinnu
Alifyritøkur hava ikki loyvi at skjóta kóp, tí amerikanarar seta londum, sum útflyta fiskavørur til USA, strangari krøv
Kópastovnurin er nógv vaksin seinastu árini, og hann er til ampa fyri bæði alivinnuna og fiskivinnuna. (Savnsmynd)
13.02.2025 - 13:52
Alifyritøkurnar sleppa ikki at skjóta kóp, men landsstýrið átti at heimilað øðrum at gjørt tað, tí tað hevði gagnað ikki bara alivinnuni, men eisini fiskivinnuni.
Tað sigur Regin Jacobsen, stjóri í Bakkafrosti.
Løgtingið samtykti í 2020 grein 18b í alilógini, sum sigur, at "tað er bannað einum og hvørjum tilætlað at avlíva havsúgdjór í sambandi við alivirksemi."
Regin Jacobsen.
USA herðir krøvini
Orsøkin til broytingina var, at amerikanskir myndugleikar fóru at seta strangari krøv til londini, sum útflyta fiskavørur til USA. Og tað hevði sær, at til dømis laksaaling skuldi ikki raka havsúgdjór sum kóp.
Karlot Hergeirsson, løgtingsmaður, hevur sett Høgna Hoydal, landsstýrismanni, ein grein 52a fyrispurning um felli í alivinnuni orsakað av kópi.
Regin Jacobsen heldur, at tað hevði gagnað bæði alivinnuni og fiskivinnuni, um tað almenna tók stig til at halda kópastovninum niðri.
Hoyr innslag í útvarpstíðindunum:
13022025_Regin_og_kopur
*
Er kopiera
Nýggjastu sendingar í ÚV
Nýggjastu sendingar í SV
