Ocean Rainforest keypt meirilutan í meksikanskari fyritøku

Ocean Rainforest hevur keypt meirilutan, 60 prosent, í meksikonsku fyritøkuni Alamarsa, sum eigur vørumerkið Algamar.

Alamarsa ger vørur úr stórtara og øðrum tarasløgum. 

Vørurnar eru einamest stimbrandi vakstrarevni til landbúnaðin, serliga til frukt og grønmeti.

Harumframt ger Algamar taraúrdráttir til matna, kosmetikk og til djórafóður. 

Íløgan í Algamar ger, at Ocean Rainforest kann bjóða nógv fleiri vørur og røkkur longri út á heimsmarknaðin, sigur Ólavur Gregersen, forstjóri í Ocean Rainforest samtakinum.