Børn eiga eisini at hava frítíðarlóg

Børn eiga eisini at hava frítíðarlóg, á sama hátt sum vaksin. 

Tað sigur Sanna á Løgmansbø, forkvinna í Pedagogfelagnum.

Vetrarferian hevur júst verið, og  hesum sambandi hevur Sanna á Løgmansbø skrivað greinina "Barnsins rættindi til feriu".

Her hugleiðir hon um vetrarferiuna, týdningin av feriu hjá børnum og rættin til feriu hjá børnum undir skúlaaldur.

Ov lítil samanhangandi frítíð

Sanna á Løgmansbø heldur, at tørvur er á slíkar lóg, tí børn undir skúlaaldur hava ikki nóg nógva samanhangandi frítíð saman við foreldrunum.

Børnini í frítíðarskúlaaldri hava møguleika at vera í frítíðarskúla, tá skúlin er stongdur.

Tað heldur Sanna á Løgmansbø er eitt fínt alternativ, og er øðrvísi enn vanlig skúlagongd við spæli og tryggum kørmum. Men hon setur kortini spurnartekin við, um tað er feria at vera í frítíðarskúla allan dagin. 

Hoyr innslag í útvarpstíðindunum: