Rúmdargranskari: - Vit skulu ikki missa náttarsvøvn av smágongustjørnuni

Ein smágongustjørna, sum rúmdargranskarar bóru eyga við seint í fjør, verður nú nágreiniliga fylgd.

Granskarar royna at finna út av, um hon kann raka jørðina, tá hon aftur er um okkara leiðir um átta ár.

Hildið var, at møguleikin fyri einum samanbresti var 1,3 prosent. Hetta er nú hækkað til 2 prosent.

David Arge Klevang, lektari og granskari á DTU Space, heldur kortini ikki, vit skulu missa náttarsvøvn av hesum.

Møguleikin er ógvuliga lítil, og tá neyvari tøl eru tøk, fara sannlíkindini helst niður á null, sigur hann.

Skuldi tað verið so, at smágongustjørnan hevur kós móti jørðini, eru møguleikar at skumpa hana út av kós, leggur David Arge Klevang aftrat.