Tjóðveldi skal styrkjast norðan fyri Havnina

Tjóðveldi hevur ikki havt tingfólk í Norðoyggjum og Eysturoynni í fleiri ár, men nú flokkurin umskipar manningina í landsstýrinum, er greitt, at stig eru tikin broyta hesa gongdina.

Tað ásannaði Sirið Stenberg, forkvinna í Tjóðveldi, eisini, tá hon var gestur í útvarpstíðindunum á middegi.

Nýggju landsstýrismenninir eru úr Eysturoynni og Norðoyggjum. 

Jóhan Christiansen

Jóhan Christiansen verður landsstýrismaður í fiskivinnu- og samferðslumálum.

Jóhan Christiansen verður landsstýrismaður í fiskivinnu- og samferðslumálum fyri Dennis Holm, sum fer aftur í tingið.

Jóhan Christiansen fekk 125 atkvøður á løgtingsvalinum í 2022.

Hann er 47 ára gamal, og hevur verið rakstrarstjóri hjá Ocean Rainforest. Jóhan Christiansen var borgarstjóri í Eysturkommunu frá 2009 til og við 2020. 

Eirikur í Jákupsstovu, 16:9

Eirikur í Jákupsstovu fer at umsita almanna- og mentamál í landsstýrinum. (Mynd. Bjarni Árting Rubeksen)

Eirikur í Jákupsstovu, løgtingsmaður, fer í landsstýrið at umsita almanna- og mentamál.

Eirikur í Jákupsstovu er 37 ára gamal og tingmaður fyri Tjóðveldi. Hann fekk 295 atkvøður á seinasta løgtingsvali, og kom á ting sum varamaður, tá ið Tjóðveldi fór í samgongu.

Eirikur í Jákupsstovu er útbúgvin løgfrøðingur. 

Sirið Stenberg, forkvinna í Tjóðveldi, sum hevur umsitið almanna- og mentamál, fer nú at umsita uttanríkis- og vinnumál fyri Høgna Hoydal, sum fer aftur í løgtingið.

Hoyr samrøðu, sum Emil Lisberg Jacobsen gjørdi við Sirið Stenberg, ið var gestur í útvarpsstovuni:

Árni Gregersen

Árni Gregersen. 

Árni Gregersen, politiskur viðmerkjari, sigur, at tjóðveldisfeløgini í Norðoyggjum og í Eysturoynni hava strongt á at fáa landsstýrisess.

Hann var gestur í útvarpsstovuni: