Odesa í ljósum loga

Ukrainski havnarbýurin Odesa er í nátt raktur av umfatandi russiskum dronuálopum, boðar ukrainska forsetaskrivastovan frá.

- Odesa stendur í ljósum loga. Russiskar dronur hava lopið á sivil mál í býnum, skrivar aðalstjórin, Andrij Jerman, á Telegram seint í gjárkvøldið.

Enn er ikki greitt, hvussu stórur skaðin er.

Sambært fráboðanini, kom eldur í fleiri staðni í býnum. 

Fleiri enn 15 spreingingar

Sambært ukrainska kringvarpinum Suspilne, vóru fleiri enn 15 spreingingar í býnum.

Partar av Odesa hava mist streymin.

Kekkiski forsetin, Petr Pavel, var í Odesa í nátt, tá ið Russland leyp á býin.

Guvernørurin í Odesa, Oleh Kiper, sigur við Telegram, at teir báðir sótu á fundi og tosaðu um trygdina í Svartahavi, tá ið russiski fíggindin leyp á býin.