Montenegro - Føroyar: Mattias í málið fyri Bárð

Mattias Lamhauge skal verja føroyska málið í HM-undankappingardystinum ímóti Montenegro í kvøld.

Hann avloysir Bárð á Reynatrøð, sum byrjaði inni ímóti Kekkia leygarkvøldið.

Føroysku venjararnir hava gjørt tríggjar aðrar broytingar á liðnum. Jóannes Kalsø Danielsen kemur inn fyri Jann Benjaminsen, sum fekk ein skaða ímóti Kekkia, og René Shki Joensen og Meinhard Olsen byrja inni ístaðin fyri Hall Hansson og Árna Frederiksberg.

Føroyska liðið:

Mattias Lamhauge; Viljormur Davidsen, Andrias Edmundsson, Gunnar Vatnhamar, Odmar Færø, Jóannes Kalsø Danielsen; Meinhard Egilsson Olsen, Brandur Hendriksson Olsen, René Shaki Joensen, Hanus Sørensen; Petur Knudsen

Á beinkinum sita Ari Petersen, Bárður á Reynatrøð, Samuel Chukwudi, Hallur Hansson, Árni Frederiksberg, Páll Klettskarð, Arnbjørn Svensson, Adrian Justinussen, Geza Dávid Turi, Martin Agnarsson, Poul Kallsberg og Noah Hans Mneney.

Dysturin byrjar klokkan 19.45, og sjónvarpið hjá Kringvarpinum byrjar eftir Dag & Viku.