Ákærdur fyri at gera seg kynsliga inn á børn

Ein 43 ára gamal maður er ákærdur fyri at gera seg kynsliga inn á børn.

Børnini, ein drongur og tvær gentur, vóru øll yngri enn 12 ár, tá brotini, sum eru nevnd í ákæruritinum, skulu vera framd.

Málini eru gomul. Tað elsta umfatar árini 2000 til 2004.

Eitt er frá árunum 2010 til 2013, og tað yngsta er frá árunum 2016 til 2018.

Noktar seg sekan

Maðurin er ákærdur fyri millum annað neyðtøku.

Maðurin noktar seg sekan. 

Ákæruvaldið fer ikki at krevja fongsulsrevsing, men at maðurin verður settur undir eftirlit.

Fyrivarni er tikið fyri endurgjaldskravi.