- Tíðindi, mentan og ítróttur
Kunningarfundur um Suðuroyartunnilin, meðan málið er í tinginum
Kunningarfundur um Suðuroyartunnilin, meðan málið er í tinginum
Okkurt bendir á, at løgmaður roynir at sannføra tingið um at taka undir við málinum
Aksel V. Johannesen, løgmaður, á kunningarfundinum í Tinganesi fyrrapartin.
Mynd: Bárður Lydersen
03.04.2025 - 14:08
Heldur óvæntað bjóðaði Aksel V. Johannesen, løgmaður, øllum tingfólkum til kunningarfund um Suðuroyartunnilin í Tinganesi fyrrapartin.
Hetta var gjørt samstundis sum uppskotið um Suðuroyartunnilin, sum løgmaður sjálvur legði fram, er í tinginum.
Fyrsta viðgerð hevur verið, og málið er nú fíggjarnevndini.
Umframt tingfólk vóru umboð fyri tunnilsfelagið og ráðgevararnar, sum felagið hevur brúkt til verkætlanina, við á fundinum í Tinganesi.
Men tey, sum hava mælt til aðra tunnilsleið enn hana, sum skotin er upp at gera, vóru ikki boðin við.
Okkurt bendir á, at endamálið vlð fundinum í dag var at sannføra tingið um at taka undir við málinum, soleiðis sum tað er lagt fram.
Hoyr Marjuna Dalsgaard greiða frá úr Tinganesi:
0304_Marjun_og_Suduroyartunnil
Myndir: Bárður Lydersen
Er kopiera
Nýggjastu sendingar í ÚV
Nýggjastu sendingar í SV
