Trýst á íslendsku stjórnina í uttanríkismálum

Trýst á íslendsku stjórnina í uttanríkismálum
Fleiri tjóðir viðurkenna uttanveltaðu støðu Íslands, og bíða eftir, at Ísland letur meira til verju
Þorgerður Katrín Gunnarsdóttir, uttanríkisráðharri.
Mynd: RÚV, íslendska kringvarpið  
 
07.04.2025 - 08:01

Uttanríkisráðharrarnir í Nato vóru fríggjadagin á fundi í Brússel í sambandi við, at limalondini í verjusamgonguni skulu hækka sínar játtanir til verju.

Fundurin kemur í kjalarvørrinum á alheims politisku støðuni, og at amerikanski forsetin, Donald Trump, hevur heitt á londini í ES um at styrkja og játta meira pening til evropisku verjuna.

Íslendski uttanríkisráðharrin, Þorgerður Katrín Gunnarsdóttir, viðgongur, at trýst er á íslendsku stjórnina.

Í samrøðu við íslendska kringvarpið RÚV, vísir hon á, at meðan fleiri tjóðir viðurkenna uttanveltaðu støðuna hjá Íslandi, verður nú bíðað eftir, at Ísland letur meira til verju.

- Aðrar tjóðir skilja væl, at vit eru eitt land við ongum heri, og tað ætla við framhaldandi at vera. Men hinvegin eru vit noydd at gera meira. Og vit taka nú stig á hesi leiðini. Tað verður kurteisliga víst okkum á, at vit eru millum ríkastu lond í Evropa, og at vit áttu at verið før fyri at gjørt meira. Tað gera vit nú, og eg fegnist um, at vit hava tikið stigið, sigur Þorgerður Katrín Gunnarsdóttir, uttanríkisráðharri, við íslendska kringvarpið.

Er kopiera
Nýggjastu sendingar í ÚV
Sunnudag 15. juni
Kallið:"Lívið er ein ferð".
193227
Leygardag 14. juni
Morgunlestur leygardagur 14.juni 2025
192954
Fríggjadag 13. juni
Vikuskiftið 13 juni 2025
193269
Nýggjastu sendingar í SV