Badminton: Gull, silvur og bronsu í Danmark

Eitt gull, eitt silvur og eitt bronsuheiðursmerki.

Tað var úrtøkan hjá føroysku landsliðsspælarunum í badminton, sum vóru í Danmark og kappaðust í meistararekkjuni og A-rekkjuni um vikuskiftið.

Magnus Dal-Christiansen og Sanna Thorkildshøj fóru avstað við gullinum í blandaðum tvímansleiki í meistararekkjuni, har Sanna og Mia Thorkildshøj vunnu bronsu í tvímansleiki.

Í A-rekkjuni vunnu Magnus Dal-Christiansen og Rúni Øster silvur í tvímansleiki.

Hetta eru góð tekin undan Oyggjaleikunum á Orknoyggjunum í summar. Næstu dagarnar eru føroysku badmintonspælararnir á landsliðsvenjingarlegu, áðrenn innleiðandi dystirnar til Kontrast FM 26. apríl.