Fullur maður skeyt við byrsu í Norðdepli í morgun

Ein fullur maður hevur skotið við byrsu í Norðdepli í morgun.

Fjálturstungin fólk í Norðdepli boðaðu í morgun løgregluni frá, at ein fullur maður gekk runt í bygdini við byrsu. 

Maðurin lat fleiri skot av, og enn veit løgreglan bara um, at hann skeyt upp í luftina. Men hetta skal takast við fyrivarni tí øll vitni eru ikki avhoyrd enn.

Eftir at politiðið kom á staðið skeyt maðurin einaferð aftrat upp í luftina, og beint eftir tað megnaði politiðið at tosa hann til rættis. Hann var handtikin umleið klokkan hálvgum ellivu. Í løtuni situr hann í varðhaldi ímeðan løgreglan ger av, hvat hann skal skuldsetast fyri.